"Армысың, өрелі өнер ордасы!"
Қармақшы ауданының оқушылар үйі қосымша білім беру жүйесіндегі ауданымыздың жетекші ұстаздары шоғырланған өнер мен білім ордасы. 15 қыркүйек күні "Армысың, өрелі өнер ордасы!" тақырыбында Қармақшы ауданының оқушылар үйінде жаңа оқу жылының басталуына орай мерекелік жиын болып өтті. Жиында "Аңсаған" мүмкіндігі шектеулі балалар қоғамдық бірлестігінің төрайымы Райымбаева Бақыткүл апай, Жастар ресурстық орталығының директоры Әділбеков Сырым ағайлар қадірлі қонақ болып қатысып, балаларға жылы лебіздерін жеткізді. Әсем әндер шырқалып, биден шашу шашылған мерекелік жиын барысында бүлдіршіндер қоңырау соғып, шаттыққа бөленді.
