Қармақшы аудандық оқушылар үйінде "Жайдары жазға мың алғыс!" тақырыбында "Жас толқын" аулалық клубының жабылуы болып өтті. Мерекелік кешке білім бөлімінің әдіскері Тоқшылықова Ақтолқын Каналбекқызы, Жастар ресурстық орталығы КММ директоры Әділ Ыбраһим Мұратұлы, "Аңсаған" мүмкіндігі шектеулі балалар қоғамдық бірлестігінің төрайымы Райымбаева Бақыт апай қатысып, оқушыларға ыстық лебізін білдірді. Шара барысында оқушылар ән айтып, би биледі. "Робототехника" үйірмесінің мүшелері "Робо шоу" көрсетіп, қонақтарды қызықтырған сұрақтарға жауап берді. Шара соңында оқушылар үйінің ұстаздары мен оқушылары көңілді флешмоб биледі.