Құқық бұзушылық профилактикасы бағытындағы жұмыстар

Аудан көлемінде құқық бұзушылық профилактикасы бағытында Қармақшы аудандық прокуратурасының үйлестіруімен белсенді жұмыстар атқарылуда және ол өз нәтижесін беріп, жалпы тіркелген қылмыстар бұрынғы жылдармен салыстырғанда төмендеген.

Дегенмен, соңғы жылдары алаяқтық қылмыстары толастамай, үдей түсуде. Оның ішінде, интернет құрылғылары арқылы қарапайым тұрғындарды түрлі құйтырқылық жолдармен алдап, сеніміне кіру арқылы жасалатын алаяқтық әрекеттер кең таралуда.

Осындай қылмыстардың құрбаны болудан сақтану жөнінде аудандық прокуратура қызметкерлері полиция және жергілікті атқарушы орган өкілдерімен бірлесіп, адамдар көп шоғырланатын орындарда түсіндіру жұмыстарын жүргізіп, брошюралар таратты.

Құрметті аудан тұрғындары, алаяқтардың арбауынан сақ болайық.