Соңғы уақытта аудан көлеміндегі телефонмен хабарласу арқылы жасалған алаяқтық қылмыстарының жиілеуіне орай аудандық прокуратураның ұйымдастыруымен полиция және жергілікті атқарушы органдармен бірлесіп, тұрғындар арасында түсіндіру жұмыстары жүргізілуде.

Шара барысында Жосалы кентінің адамдар көп шоғырланатын орындары қамтылып, алаяқтықтан сақ болу жөнінде брошюралар, жадынамалар таратылып, қылмыс тәсілі мен оның құрбаны болудан сақтану шаралары кеңінен түсіндірілді. Сонымен қатар, ақша аударымдары жасалатын банкоматтар мен терминалдар жанына ескерту-түсіндіру парақшалары ілінді.

Бұдан бөлек, бұқаралық ақпарат құралдары және әлеуметтік желілер арқылы да түсіндіру шаралары белсенді жүргізілуде.

Құрметті аудан тұрғындары қылмыс құрбаны болудан сақтаныңыз.