Карантин талаптарын сақтау маңызды
Қармақшы аудандық полиция бөлімінің жергілікті полиция қызметі бөлімшесімен карантин талаптарын бұзу деректерін анықтау барысында мониторинг топтарымен бірлесіп жүргізілген жедел түсірілімдері туралы біршама жұмыстар атқырылуда.
02.07.2021 жылғы Қызылорда облыстық Бас санитарының №18 Қаулысына сәйкес, Қармақшы аудандық әкімдігі, ішкі саясат бөлімі, прокуратура, полиция бөлімі, санитарлық-эпидемиологиялық бақылау басқармасы қызметкерлерінен құрылған мониторингтік топпен күнделікті Жосалы кентінде орналасқан сауда нысандары, ойын-сауық орындары бойынша аралау, түсіндірме жұмыстары үздіксіз жүргізілуде. Жүргізілген мониторингтік топ мүшелерімен аудан бойынша 340 рейдтік түсіндірме жұмыстары жүргізісе, карантин талаптарын сақтамаған, яғни отбасылық іс-шаралар жасаған 12 құқық бұзушылық дерегі анықталып, ҚР ӘҚБтК-нің 425 бабының 1 бөлігіне сәйкес әкімшілік шара көріліп, әрбір жеке тұлғаға 43 755 теңге айыппұл салынды.
Әрбір учаскелік полиция инспекторлары өз әкімшілік аймақтарындағы тұрғындарға карантин талабының сақталуы жайлы яғни, отбасылық той-томалақ, еске алу сияқты жиындарға адамдарды жинамау жөнінде түсіндірме жүргізілуде.
Бұл бағыттағы жұмыстар бөлім басшылығымен қатаң бақылауға алынып, жұмыстар одан әрі өз жалғасын таба бермек.
Қармақшы АПб-і ЖПҚб
