ҚР Парламенті Мәжілісінің депутаты Ғалым Әміреев Төретам кентіне жұмыс сапарымен келіп, әлеуметтік нысандарды аралады. Сонымен қатар, тұрғындармен кездесіп, халықтың ұсыныс-пікірлерін тыңдады.
Ғалым Махмұтбайұлы Төретам кенті тұрғындарымен кездесуі барысында ҚР Парламенті Мәжілісінің қабырғасында халықтың өмір сапасын арттыру бойынша атқарылып жатқан жұмыстарды таныстырды.
Сонымен қатар Төретам кентінің тұрғындары кездесу барысында ұсыныс-пікірлерін білдірді. Мұнан соң Төретам кентіндегі күрделі жөндеуден өткізіліп жатқан №85 орта мектеп және Ақай ауылдық округіндегі денешынықтыру – сауықтыру кешенінің жүргізіліп жатқан құрылыс жұмыстары барысын қадағалады.
Ғалым Махмұтбайұлы өскелен ұрпақ тәрбиеленетін басты ғимараттың сапалылығына мән беріп, күрделі жөндеу жұмыстарының мерзімінде аяқталуына басты назар аударылды.