Қазақстан Республикасы Парламенті Мәжілісінің депутаттары Бақытбек Смағұл мен Геннадий Шиповских және Қармақшы ауданы әкімінің орынбасары Жұлдызхан Ерқосаев депутаттармен бірге Төретам кентіндегі бірқатар кәсіпкерлік нысандарды аралады.

Төретам кентіндегі «Ажар Сити» сауда үйінде болып, күнделікті қажетті әлеуметтік маңызы бар тауарлардың бағасымен танысты. Қазақстан Республикасы Парламенті Мәжілісінің депутатары Геннадий Шиповских пен Бақытбек Смағұлға «Ажар Сити» сауда үйінің басшылығы мен аудандық кәсіпкерлік, өнеркәсіп және туризм бөлімінің басшысы Е. Әбдікеров қазіргі таңдағы жұмыс барысымен таныстырды.

Орта және шағын кәсіпкерлікті дамыту біздің еліміздің басты мақсаты. Өзіміздің елімізде шығарылған тауарларды қолдау, мемлекеттік бағдарламалар арқылы кәсіпкерлерге шағын несие беру елімізде жүзеге асып келеді.

Осы ретте үстіміздегі жылы жұмысын бастаған «Ажар Сити» сауада орталығы азық-түлік өнімдерін төмен бағада Байқоңыр қаласы мен Төретам кентінің тұрғындарына ұсынып отыр.

Сонымен бірге халық қалаулылары Төретам кентінің кәсіпкерлерімен жүздесіп, ұсыныс пікірлерін тыңдады. Кәсіпкерлердің көтерген мәселелері бойынша Қазақстан Республикасы Парламенті Мәжілісінің депутаты Геннадий Шиповских айтылған ұсыныстар назарға алынып, шешілу жолдары жергілікті атқарушы билік органдары тарапынан заң шеңберінде қарастырылатындығын білдірді.

Мұнан кейін кәсіпкерлік нысан «Мир-2001» ЖШС құрылыс материалдарын өндіру зауытымен танысты. Бүгінгі таңда өңірімізге брусчатка мен тротуарларға арналған плиталар, бордюрлар, пластик терезелер мен есіктер шығаратын зауыттың жұмысы қарқынды жүруде. Сонымен бірге таза ауыз су шығарып өнімдері тұрғындар тарапынан үлкен сұранысқа ие болып келеді.

Кездесуде кәсіпкерлер тарапынан қойылған сауалдармен ұсыныстарды халық қалаулылары тыңдап, шешу жолдарын қарастыруды назарда ұстайтындарын жеткізді.