Парламент мәжілісінің депутаттары ауданда
ЖОСАЛЫ, 14 қаңтар – qarmaqshy-tany.kz Қазақстан Республикасы Парламенті Мәжілісінің депутаттары Смағұл Бақытбек пен Шиповских Геннадий Т.Көмекбаев және Тұрмағамбет ауылдарында болып, ауыл тұрғындарымен кездесті.
Ел қалаулылары Т.Көмекбаев ауылында болып, ауыл тұрғындарымен кездесу өткізді. Кездесуді Қармақшы ауданы әкімінің орынбасары Ә.Қошалақов жүргізіп отырды. Кездесу барысында депутаттар Парламент Мәжілісінің қызметі туралы әңгімелеп, мемлекеттік және үкіметтік бағдарламалардың, сондай-ақ жүйелі реформаларды жалғастырудың маңыздылығына тоқталып, қазіргі таңда ел игілігі үшін барлық жағдай жасалып жатқандығына тоқталды.
Одан әрі жұмыс сапары Тұрмағамбет ауылында жалғасып, «Сәлима ана» балабақшасының жұмысы және Тұрмағамбет ауылында салынған Шағын сүт өңдеу зауытында болды.
Іс сапар барысында «Тұрмағамбет» ЖШС нің директоры, аудандық мәслихат депутаты Пірмантаев Нұржан Айдарбекұлы Шағын сүт өңдеу зауытының жұмысымен таныстырды.
Кездесу соңында халық қалаулыларына ауыл ақсақалдары өз ризашылықтарын білдірді.
