Қазақстан Республикасы Парламенті Мәжілісінің депутаттары Бақытбек Смағұл мен Геннадий Шиповских Төретам кентіндегі жағырту жұмыстары жүргізілген электр станциясының жұмыстарымен танысты.

Былтырғы жылы «Жұмыспен қамту жол картасы» бағдарламасы аясында Төретам кентіндегі №22 35/10 кВ қосалқы стансасын кеңейту және қайта құрылымдау құрылыс жұмыстары толығымен жүргізіліп, ел игілігіне пайдалануға берілген болатын.

Атқарылған жұмыстар нәтижесінде Төретам кенті мен Ақай елді мекеніндегі 80% тозығы жетіп, 50 жылдан астам жөндеу жұмыстарын көрмеген электр станцияларының олқылықтарын жою жұмыстары жүргізіліп, қайта жаңғыртудан өтті.

Жаңа технологиялармен жабдықталған тұрғындарға үзіліссіз электрмен қамтуға мүмкіндік беретін нысанның құрылысын көрген халық қалаулылары атқарылып отырған жұмыстарға оң қорытындысын берді.