Аудан әкімінің орынбасары Ж.Ерқосаев және аудандық ардагерлер кеңесінің төрағасы А.Мереков бастаған бір қатар ел ағалары жаңа фитнес орталығының ашылу рәсіміне қатысты.
Фитнес-клубтың ашылу салтанатында аудан әкімінің орынбасары Ж.Ерқосаев құттықтау сөз сөйлеп, салауатты өмір салтын ұстанудың маңыздылығын айтып өтті. Сонымен бірге іс-шараға қатысқан ардагерлер өздерінің ізгі лебіздерін білдіріп, баталарын берді.
«ДүрОңғар» фитнес-клубтың иесі Сабихан Жүнісовтың айтуынша, мұнда соңғы разрядқа сай барлық жағдай жасалған және жаттығуға арналған спорттық құрал-жабдықтармен қамтамасыз етілген. Жұмыс күндері клуб сағат 10.00-ден бастап түнгі 23.00 уақытқа дейін жұмыс істейді. Пайдалануға берілген орталықта 2 адам тұрақты жұмыспен қамтылып отыр.