Қармақшыда жаңа киімдер дүкені ашылды
Қармақшы ауданының орталығы Жосалы кентінде «Мега Планета» атты киімдер дүкенінің ашылу салтанаты өтті.
Іс - шараға аудан әкімінің орынбасары Жұлдызхан Байназарұлы қатысып, жергілікті тұрғындарды жаңа нысанның ашылуымен құттықтады. Сондай-ақ, ауданда елімізге танымал дүкендер желісі өздерінің сауда орындарын ашып, кәсіпкерліктің көкжиегі кеңейіп келе жатқандығын тілге тиек етті.
Сонымен бірге іс-шараға қатысқан ардагерлер өздерінің ізгі лебіздерін білдіріп, баталарын берді.
Аталмыш дүкенде түрлі үлгідегі киімдермен қатар тұрмыстық тауарлар тиімді бағада сатылмақ.
Дүкен иесі шара соңында қайырымдылық акциясын ұйымдастырып, 15000 теңгелік 15 сертификатты мұқтаж отбасыларға табыстады.
