Сотқа дейінгі хаттама

2022 жылдың қаңтарынан бастап Қазақстан Республикасының Азаматтық іс жүргізу кодексіне өзгерістер, оның ішінде сотқа дейінгі хаттама бойынша заң күшіне енді.

Мәселен, АІЖК-нің 150-бабының 1-бөлігіне сәйкес, тараптар сотқа дейінгі хаттаманы жасаған жағдайда, талап-арызды қабылдау ол келіп түскен күннен бастап он бес жұмыс күні ішінде жүзеге асырылады.

Сотқа дейінгі хаттаманы жасаудың артықшылықтары:

Сотқа дейінгі хаттаманы тараптардың өздері де, медиаторлар мен адвокатқа жүгіну арқылы да жасауға болады.

Сотқа дейінгі хаттамада тараптар дәлелдемелерді бір-біріне айту арқылы, дауды бейбіт жолмен реттеудің нұсқаларын ұсынады.

Татуластыру рәсімін жүргізу және сотқа дейінгі хаттаманы жасау жалпы талап қою ісін жүргізу тәртібімен де, оңайлатылған (жазбаша іс жүргізу) тәртіппен де мүмкін.

Дауды татуластыру рәсімдерін қолданумен, оның ішінде сотқа дейінгі хаттаманы жасай отырып аяқтау тараптарға азаматтық іс қозғалғанға дейін дәлелдемелермен алмасуға, сол арқылы даудың болжамды нәтижесін болжауға, өз шығыстарын, уақытын, сондай-ақ моральдық шығындарын барынша азайтуға, жанжалды азайтуға және өзара қарым-қатынасты сақтауға мүмкіндік береді.