"Ел болашағы – білімді ұрпақ"

Тағылымды тәрбие – бала болашағының іргетасы. Қай кезде де мемлекет баланың үздіксіз дамуына үлес қосуды тоқтатпайды. Мемлекет басшысы Қасым-Жомарт Кемелұлы Тоқаев 2022 жылды «Балалар жылы» деп жариялады.

Бүгін аудандық білім бөлімі және аудандық кәсіподақ комитетінің ұйымдастыруымен «Ел болашағы – білімді ұрпақ» тақырыбында «Балалар жылы» аясында білім саласының қызметкерлерінің балаларына арналған мерекелік кеш өткізілді. «Мектеп партасында отырған әрбір баланы білімді, дарынды, өнерлі, етіп тәрбиелеу күн тәртібінен түспейді.

«Ғылым – теңіз, білім – қайық» демекші, ұстаздар шәкірттерге өмір айдынында адаспай жол табу үшін сапалы білім мен тәрбие беру жолында қызмет етеді»- деп, аудандық білім бөлімінің басшысының уақытша міндетін атқарушы Г.Дуйсембаева және аудандық кәсіподақ комитетінің төрағасы Л.Есханова балаларға өз лебіздерін білдірді. Мерекелік шарада балаларға арналған би биленіп, әсем әуендер шырқалды. Балалар жақсы көңіл күйде қайтты.