Алғашқы таңдаушыға сыйлық табысталды

Ел тарихындағы елеулі оқиғаға бейжай қарамай референдумға белсенді қатысу – әрбір азаматтың басты борышы. Себебі бұл – бүгінгі Қазақстанның ғана емес, келешек ұрпақтың тағдырына тікелей әсер ететін маңызды сәт.

Жоғары жауапкершілікті сезінетін Қармақшы ауданының халқы таңғы сағат 7.00-ден бастап референдумда дауыс беруді бастап кетті. Уақыттың ерте екендігіне қарамастан қариялар мен жастар тобы азаматтық парыздарын өтеуге асығуда.

Осындай жанның бірі — Айнұр Каликова. Ол №96 сайлау учаскесінде алғашқы болып таңдау жасады. "Таңертеңмен арнайылап еліміздің болашағы үшін өз таңдауымды жасадым. Әрбіріміздің таңдауымыз елдегі өзгерістер үшін маңызды деп ойлаймын. Жаңа Қазақстан жаңа белестермен, жақсы өзгерістерімен халықты қуантатынына сенемін" дейді ол.