БҮЛДІРШІНДЕР БІЛІКТІЛІГІН КӨРСЕТТІ

Жуырда Алдашбай ахун ауылындағы №10 балабақшаның «Балдырған»  ересектер тобының тәрбиешілері Гүлмира Садықова мен Нұршат Смаділдаеваның ұйымдастыруыменбүлдіршіндердің ойлау қабілеті мен тіл байлықтарын дамыту, сондай-ақ олардың ой шапшаңдықтарын дамыту арқылы ойларын ашық  айтуға және білімге деген құштарлықтарын арттыру мақсатында «Зерде» интеллектуалды білім сайысы өтті.

Талапкерлер «Ұяшықтағы сұрақтар», «Ойна да күл», «Жеті жұрттың тілін ал», «Шығармашылық сәт», «Сиқырлы таяқша» және «Жорға» атты кезеңдер бойынша өз ара бақ сынасты.

Қызықты да тартысты өткен сайыс қорытындысымен «Тұлпар» командасы жеңімпаз деп танылып, балабақша кубогін жеңіп алса, қалған жүлдегер командалар да сый-құрметтен кенде болмады.

Сайыс барысында балабақша меңгерушісі Гүлжан Нұрадинқызы жүлдегерлерге құрмет көрсетті.

«ҚТ» ақпарат.