ҰЛТ ҚАЗЫНАСЫ ДӘРІПТЕЛДІ

Елімізде «Тілдердің үш тұғырлылығы туралы» мәдени жобасын жүзеге асыру мақсатында жақында №85 орта мектепте «Үш тұғырлы тіл – ұлттың келешегі» тақырыбында ағылшын тілі пәнінің мұғалімі Гүлденген Бақытованың ұйымдастыруымен оқушылар арасында «Ой мен ойын» атты шара болып өтті.

Сайыскерлер «Бетпе-бет», «Сандардан гөрі сапасы», «Суреттер сөйлейді», «Сөз тапқанға қолқа жоқ» және «Сөзжұмбақ» атты бөлімдер бойынша өзара бақ сынасып, оның нәтижесімен жеңімпаздар анықталды.

Қызықты да тартысты сайыс соңында Төретам кентінің әкімі Шайхислам Сүйімбетов, мектеп директоры Шаттық Шыңғысова сайыскерлерге жылы лебіздерін білдірді. Сонымен қатар, сайыс жеңімпаздары мен жүлдегерлеріне сый-құрмет көрсетті.