Осыдан тура 57 жыл бұрын, яғни 1961 жылдың 12 сәуірінде адамзат баласы алғаш рет қазақ жерінен ғарышқа аттанды.
Бертін келе «Құс жолына» сапар шегу бақыты қазақ халқының үш ұлына да бұйырды. Олар, әрине, Тоқтар Әубәкіров, Талғат Мұсабаев және Айдын Айымбетов. Айтулы күнге орай қазақтан шыққан тұңғыш ғарышкер ұшқыш, Кеңес Одағының батыры, Қазақстан Республикасының Халық қаһарманы Тоқтар Әубәкіровті ізінен ілескен жастар құттықтап, оған құрмет көрсетті. Қарулы күштеріміздің әскери-тарихи мұражайында өткен мерекелік шараға Астанадағы «Байқоңыр» ауданының әкімдігі мұрындық болды.    
Тоқтар Әубәкіров, ҚР Халық қаһарманы:
- Осындай күнде бүкіл қазақстандықтарды құттықтағым келеді. Неге десеңіз, Қазақстанның халқы осы күнге лайықты, бәрі де қатысты. Біз қазір ғарыш технологиясынан қалмау үшін бүкіл халықпен бірге, әлеммен бірге ойымыз да, ісіміз де бір болса, сол кезде біздің Қазақстан өркендейді.