Үлгілі үйдің қыздары

Жалпы қоғамның басты байлығы адам болса, парасатты да тәрбиелі қыздар – қоғамның ортаймайтын ең құнды қазынасы. «Қоғамды тәрбиелеймін десең, қызынды тәрбиеле» деген қағиданың мәні қаншалықты терең болса, мазмұны соншалықты салмақты. Бүгінгі бойжеткен ертең жар, ұрпақтың анасы, тәрбиенің бастау бұлағы.
Ауданымызда өтіп жатқан 16 күндік акциясына орай, АПб-нің ЖПҚб-нің ӘЗЗҚт-ның инспекторының ұйымдастыруымен карантиндік талаптарды сақтай отырып, ауданымыздың С.Есқараев атындағы №27 орта мектебінің 7,8,9,10 сынып (қыз) оқушыларының арасында «Үлгілі үйдің қыздары» атты сайысы ұйымдастырылды.
Іс-шараның мақсаты – оқушыларға адамдық асыл қасиеттерді қастерлеп, өмір заңдылықтарын білуге үйрету, қыздарды имандылыққа, инабаттылыққа, ізеттілікке, ісмерлікке, қыз баланы парасатты, жан-жақты білімді болуға, әсемдікке, сұлулық әлемін түсінуге тәрбиелеу. Адамгершілік қасиеттерге бағыттай отырып, оқушының рухани білімін байыту, логикалық ойын дамыту, ойын еркін, дәлелді түрде жеткізе білуге жетелеу. Сайыстың сонында ару қыздарымызды түрлі номинациялармен марапаттап, алғыстарын білдірді.