«Әрқашан күн сөнбесін!» сайысы

2021 жылдың 25 қараша – 10 желтоқсан аралығында «Әйелдерге қатысты зорлық-зомбылықсыз 16 күн» акция өтуіне орай, АПб-нің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимованың ұйымдастыруымен карантиндік талаптарды сақтай отырып, ауданымыздың №121 орта мектебінің кітапханасында 6 сынып оқушылары арасында «Әр қашан күн сөнбесін!» тақырыбында сурет байқауы өткізілді.

Байқауға қонақ ретінде Қармақшы «Жастар денсаулық орталығының» психологі Ә.Т.Кетебаева, аудандық емханасының облыстық өмір салтын қалыптастыру орталығының Қармақшы аудандық бөлімшесінің маманы Д.Құлмырзаевалар шақырылды.

Байқаудың мақсаты – жас буынды шығармашылық қабілеттерін тереңдету, сурет салуға деген қызығушылықтарын арттыру, эстетиткалық талғамын және тақырыпты аша білуін тәрбиелеу. Балалар өз суреттерінде көгілдір көк аспанды, баршаға нұрын шашқан күнді, керемет табиғатты бейнелеген. Байқауға қатысқан оқушылардың суреттері бір-бірінен әдемі, көркем бояулармен салынған суреттер болды. Өте жақсы салынған суреттерге дипломдар берілді. Шара соңында Қармақшы «Жастар денсаулық орталығының» психологі Ә.Т.Кетебаева байқауға қатысқан балаларды алғыс хаттармен мараптаттады.