Ағымдағы жылдың 25 мамыр – 07 маусым күндері аралығында сала мамандарын тарта отырып, аудандық ішкі саясат бөлімінің мемлекеттік әлеуметтік тапсырысы шеңберінде «Жастар Одақтары» ҚБ-нің Қармақшы аудандық жастар ресурстық орталығының ұйымдастыруымен, карантиндік талаптарды сақтай отырып, Қармақшы ауданы Т.Көмекбаев, Қуандария, Алдашбай Ахун, Тұрмағанбет, Ақжар, Ақтөбе , III Интернационал, Жаңажол, Жосалы, Иіркөл, Қармақшы ауылдық округтерінде «Тұрмыстық зорлық-зомбылықтың алдын алу» тақырыбында кездесу өткізілді.

Кездесуге жас мамандар, ауылдық округ жастары, жұмыссыздар, жоғарғы сынып оқушылары, Қармақшы аудандық жастар ресурстық орталығының маманы Ө.Бижанов, «Ұлт бірлігі - Қармақшы» ҚБ төрағасы Ш.Құндақбаев, Қармақшы аудандық полиция бөлімінің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимова, «Төретам жастары» ЖҚБ төрағасы Г.Маханова, аудандық Жастар денсаулық орталығының психологі Ә.Кетебаева және Қызылорда облысы дін істер басқармасының Қармақшы ауданы бойынша теологі Ж.Ысқақов қатысты.

Кездесуде тұрмыстық зорлық-зомбылық, отбасындағы құндылықтар жөнінде әңгімелер қозғалып, жастардың ұсыныс пікірлері тыңдалды.