Аграрлы-техникалық колледжде кездесу өткізілді

Қазақстан Республикасының Тәуелсіздігіне 30 жыл толуына және де ағымдағы жылдың 25 қараша – 10 желтоқсан аралығында аудан көлемінде «Әйелдерге қатысты зорлық-зомбылықсыз 16 күн» акция өтуіне байланысты, Қармақшы аграрлы-техникалық колледжінде АПб-нің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимова, Қармақшы «Жастар денсаулық орталығының» психологі Ә.Т.Кетебаева, аудандық емханасының облыстық өмір салтын қалыптастыру орталығының Қармақшы аудандық бөлімшесінің маманы Д.Құлмырзаевалармен, карантиндік талаптарды сақтай отырып, «Әйелдерге қатысты зорлық-зомбылықсыз 16 күн» акциясы бойынша студенттермен кездесу ұйымдастырылды.

Іс шарада барысында жастарымызға қоғамдағы, отбасындағы және жасөспірімдер арасындағы зорлық-зомбылық және бейбітшілік қағидаттары туралы пікірталас өткізіліп, студенттер «Біз әлемді өзгертеміз, зорлықсыз әлемді қалай құруға болады?» атты шығарма жазып, үздік жазған шығармалары үшін дипломдармен марапатталды. Сонымен қатар колледж директорының тәрбие жұмысы жөніндегі орынбасары Сүлейменова Айгүл Тұраққызы болашақ ұрпақты тәрбиелеу ісінде ұйымдастырушылық қабілеті мен білімін мінсіз жоғары дәрежеде көрсеткені үшін АПб-нің бастығының алғыс хаттымен марапатталды.