«Ашық есік» күні №27 орта мектептің 4 «А» және 4 «Б» сынып оқушыларының арасында «Біз бір үйдің баласымыз» тақырыбында сыныптан тыс жұмысы жүргізілді. Жұмыстың мақсаты: балалардың «мейірімділік», «қайырымдылық» құндылықтары туралы түсініктерін кеңейту және адам бойындағы – ұнамды, ұнамсыз қасиеттерді айта отырып оқушыларды әдептілік, мейірімділік сияқты адам бойындағы асыл қасиеттерді бағалай білуге тәрбиелеу.

Одан кейін №27 орта мектебінің қазақ тілі мен әдебиеті пәнінің мұғалімі Нақыпова Шара Мейірханқызының ұйымдастыруымен «Әлеуметтік желі және отбасы» тақырыбында оқушылар мен ата-аналардың арасында пікірсайыс ұйымдастырылды. 

Пікірсайысқа «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы және «Қараөзек» бастауыш партия ұйымының төрайымы, №27 орта мектебінің директоры Жарасова Ақмарал Дәуренбекқызы қатысты. Пікірсайыс барысында балалардың интернеттегі және әлеуметтік желілердегі іс-әрекеті талқыланды. 

Сондай-ақ, интернет желісі несімен тиімді немесе тиімсіз? – деген сұрақтар оқушылардың және ата-аналардың ойын жалғастыру мақсатында бейне жазба арқылы «Қауіпсіз интернет» жайлы ақпараттар толық дәйектелді. Сонымен қатар, оқушылар тақырыпты толық түсініп, өз ойлары мен пікірлерін ортаға салып, кері байланыс жасалынды.