Кеше Қызылорда қаласында Қармақшы ауданының ауыл шаруашылығы өнімдерінің жәрмеңкесі өтті. Жәрмеңкеге Қармақшы ауданынан 45 жүк автокөлігімен 109 тонна ауыл шаруашылығы өнімдері әкелініп, нарықтағы бағадан 10-15 пайызға арзан бағада сатылды. Соның ішінде 24,2 тонна бақша өнімдері, 16 тонна күріш, 6 тонна күріш қалдығы, 1,5 тонна шұжық, 1,25 тонна ет, 700 кг сүт, 400 кг макарон, 200 кг кондитерлік өнімдер, 2000 дана пішен шөп пресстері және басқа да ауыл шаруашылығы өнімдері қамтылды. Аймақ басшысы Гүлшара Наушақызы жәрмеңке жұмысымен танысып, ауыл шаруаларымен пікірлесті. Айтулы іс-шара аясында қасиетті Қармақшы елінің жыршы-жыраулары жырдан шашу шашты. Әрі қарай аудан өнерпаздарының арнайы дайындалған концерттік бағдарламасы ұсынылды. Айта кетейік, Қармақшы ауданы 2021 жылдың қорытындысымен ауыл шаруашылығы саласында жоғары көрсеткіштерге қол жеткізгені үшін «ҮЗДІК АУДАН» номинациясын иеленген болатын.
Кеше Қызылорда қаласында Қармақшы ауданының ауыл шаруашылығы өнімдерінің жәрмеңкесі өтті. Жәрмеңкеге Қармақшы ауданынан 45 жүк автокөлігімен 109 тонна ауыл шаруашылығы өнімдері әкелініп, нарықтағы бағадан 10-15 пайызға арзан бағада сатылды. Соның ішінде 24,2 тонна бақша өнімдері, 16 тонна күріш, 6 тонна күріш қалдығы, 1,5 тонна шұжық, 1,25 тонна ет, 700 кг сүт, 400 кг макарон, 200 кг кондитерлік өнімдер, 2000 дана пішен шөп пресстері және басқа да ауыл шаруашылығы өнімдері қамтылды. Аймақ басшысы Гүлшара Наушақызы жәрмеңке жұмысымен танысып, ауыл шаруаларымен пікірлесті. Айтулы іс-шара аясында қасиетті Қармақшы елінің жыршы-жыраулары жырдан шашу шашты. Әрі қарай аудан өнерпаздарының арнайы дайындалған концерттік бағдарламасы ұсынылды. Айта кетейік, Қармақшы ауданы 2021 жылдың қорытындысымен ауыл шаруашылығы саласында жоғары көрсеткіштерге қол жеткізгені үшін «ҮЗДІК АУДАН» номинациясын иеленген болатын.
