Отбасындағы зорлық-зомбылыққа жол жоқ!

Бүгінгі таңда отбасылық-тұрмыстық қатынастар аясындағы құқық бұзушылықтың алдын алу маңызды мәселелер болып табылады.

«Тәрбие тал бесігінен басталады» десек, отбасындағы ұрпақ тәрбиесі еш уақытта қоғамды бей-жай қалдырған емес. Тұрмыстық зорлық-зомбылықта көбіне зардап шегетін әйелдер мен жас балаларымыз, қазыналы қарттарымыз және мүгедектеріміз. Бұл акцияның мақсаты – қазіргі кездегі балалар және үлкендердің де отбасындағы зорлық-зомбылықтың алдын алу. Отбасындағы зорлық-зомбылыққа жол бермеу. Халықтың арасында құқықты түсіндіру. Қоғамда зорлық-зомбылықтың болмауына ықпалын тигізіп, балаларға, әйелдерге, қазыналы қарттарға және барлық адамдарға құрметпен қарау қөзқарасын қалыптастыру. Өйткені зорлық-зомбылықтың өзі жәбірленушінің құқығын бұзып қана қоймайды, өсіп келе жатқан жастарға жағымсыз үлгі болып табылады екенің бәрімізге мәлім.

Он күнге жалғасқан акция шеңберінде, бөлімнің ЖПҚб-нің ӘЗЗҚт-ы мен аудан көлемінде «Қызылорда облысы жастар одақтары» ЖҚБ, «Төретам жастары» ЖҚБ және ауданымыздың Ішкі саясат бөлімінің ұйымдастырылуымен карантиндік талаптарды сақтай отырып, «Қармақшы аудандық жастар ресурстық орталығы» коммуналдық мемлекеттік мекемесінің ғимаратында «Отбасындағы зорлық-зомбылыққа жол ЖОҚ!» атты республикалық акциясына сәйкес дөңгелек үстел отырысы өткізілді.

Сонымен қатар, ұйымдастырушылық мәселелерін шешу үшін іс-шараға АПб-нің ЖПҚб-нің ӘЗЗҚт-мен және мүдделі мемлекеттік органдардың, жұртшылықты тарта отырып, сондай-ақ үкіметті емес ұйымдардың өкілдері қатарынан жұмыс топтары құрылып, отбасының құндылығын айқындайтын идеологиялық мақсатта «Отбасындағы зорлық-зомбылыққа жол ЖОҚ» тақырыбында жадынамалар мен буклеттер әзірленіп, адамдардың көп жүретін жерлерде түсіндіру жұмыстары жүргізілді.

Сондықтан да тұрмыстық зорлық-зомбылықты тудырмаудың жолын табу, оған балта шабуға әрбіріміз үлес қосуымыз керек.