72 жастағы зейнеткер вакцина алды
72 жастағы қаланың қарт тұрғыны Әлима Мырзахметова вакцинаның 2-ші турын алды. Кейуана аурудан қорғанудың бірден-бір жолы вакцина екенін жақсы түсінеді. Отбасы мүшелерінің барлығы екпе алған.
Қария: «Екпе алу арқылы адам ауырмау есебінен жұқпалы аурулардың таралуын болдырмайды және өз отбасы мен қоғам мүшелерін, яғни, балаларды, иммундық жүйесі әлсіреген және өзге де өзіміз сияқты қарт адамдарды қорғайды. Осы уақытқа дейін жоспарлы вакцинация, әлемде миллиардтаған адамдардың өмірін сақтап қалды. Сондықтан біз отбасымызбен екпе алуға шешім қабылдадық», дейді.
Қауіпті вирусты вакцина алумен ғана тежей алауға мүмкіндік бар. Сондықтан вакцина салдыруға жауапкершілікпен қарап, өзіміздің және жақындарымыздың денсаулығын сақтауға үлесімізді қосайық.
Әлима ана толық оқшаулану және жеке гигиенаның негізгі ережелерін сақтау арқылы коронавирустық инфекциядан қорғануға болатындығын айтады. Алайда, қоғамның толық оқшаулануға мүмкіндігі жоқ екенін ол алға тартып отыр. Тіпті көптеген адамдар қарапайым санитарлық талаптарды сақтамайтындығы кейуананы алаңдатады. Сол себепті, қазіргі жағдайда вакцинация жалғыз қорғаныс құралы болып отыр.
