Т.Көмекбаев атындағы №250мектеп-лицейінде оқушылардың қатысуымен әскери қызметкерлердің кездесуі өтті. Кездесуге Қармақшы ауданының қорғаныс істері жөніндегі бөлім бастығының орынбасары майор А.Балманов, Ұлттық Ұланның 5547-әскери бөлімі штаб бастығының аға көмекшісі капитан Қ.Ауелов қатысты. Кездесуде 11 сынып бітірушілерді Петропавл қаласындағы ҚР ІІМ Ұлттық Ұлан жоғары оқу орнына түсуге үгіт-насихат жұмыстары жүргізілді, және де Отан алдындағы Ата заңымызда жазылған әрбір азамат борышын атқаруға міндетті екенін айтылды. Оқушылардың қызығушылығы артып, мектеп бітірген соң әскерге баруға немесе әскери оқу орындарына түсуге өз талаптарын білдірді. Кездесуді мектептің АӘТД пәнінің оқытушы-ұйымдастырушысы запастағы прапорщик С. Туреев қорытындылады.