Бүгін ауданымызда «Covid-19» инфекциясына қарсы егу жұмыстары басталды.

Ауданның бас дәрігері Нысанбаев Бақытжан Сағилатұлы алғашқылардың бірі болып емханада «Covid-19» қарсы Ресейде өндірілген «Спутник V» екпесін салдырды.

Алдымен емхана дәрігерімен денсаулық жағдайы тексеріліп, эпидемиологиялық анамнезі жинақталды. Аталмыш вакцина қабылдауға ешқандай қарсы көрсетілімдер болмағандығы себепті екпе егілді.

Екпе салынғаннан кейін 30 минут дәрігер қадағалауында болу үшін медициналық бақылау аймағына жіберіп, мамандар вакцинадан кейінгі күтім мен сақтық шаралары туралы түсіндірме жүргізіп өтті.

Бүгінде ауданымызға 100 доза вакцина жеткізіліп, 35 дозасы салынды.

Бас дәрігердің 4 орынбасарлары, Жұқпалы аурулар бөлімінің, Қабылдау бөлімінің, Кезек күттірмейтін жедел жәрдем бөлімінің медицина қызметкерлері вакцина алды.