Вакцинадан бас тартқандар жауапкершілікке тартыла ма – министрлік жауабы
Коронавирус инфекциясына қарсы вакцина салдырудан бас тартқан адамға санкция жариялануы мүмкін бе? Бұл туралы Денсаулық сақтау министрлігі түсініктеме берді, деп хабарлайды Stan.kz ақпарат агенттігі.
"Қазіргі уақытта 13 301 медициналық қызметкерге вакцина егілді. Және 218 қызметкерге медициналық нұсқауға байланысты салуға болмайтыны анықталды. Сондай-ақ, 130 медицина қызметкері немесе 0,9 пайызы вакцина салдырудан бас тартты. Жалпы бұл ерікті түрде жүргізілетін процесс. Вакцина салмас бұрын түсіндірме жұмыстары жүргізіледі. Сондықтан да вакцинадан бас тартқан адамдарға санкция жариялау деген заң жоқ", - деді ҚР Санитарлық-эпидемиологиялық бақылау комитетінің төрайымы Айжан Есмағамбетова ОКҚ-де өткен баспасөз мәслихатында.
