Германияда алғашқы вакцина 101 жастағы әйелге егілді

Халберштадт қаласының(Саксония-Анхальт федералды жері) тұрғыны Эдит Квойцалла коронавирусқа қарсы вакцина салдырған алғашқы неміс тұрғыны болды.

Бақылаушылардың айтуынша, ол инъекцияны сабырлы түрде әрі күлімсіреп отырып салдырған.
59 тұрғынның 40-ы, сондай-ақ он қызметкерге вакцина егілген. Олардан басқа, қарттар үйінің менеджері әйелімен бірге вакцинация алды.

Германияда вакцинацияны ресми түрде жексенбіге жоспарлаған. Сенбі күні таңертең Саксония-Ангальт федералды жеріне 9 750 доза вакцина жеткізілді, олар аудандар мен қалалық аудандарға таралды. Оларды вакцинация орталықтарына жібереді және дәрігерлердің мобильді бригадаларына таратады.
Германияда барлығы 442 егу орталығы құрылды. Бағдарламаға сәйкес, вакцинаны алдымен 80 жастан асқан азаматтар, қарттар мен мүгедектер үйлерінің тұрғындары, сондай-ақ онда жұмыс істейтін қызметкерлер, реанимация және шұғыл медициналық қызметкерлер алуы керек. Жалпы алғанда, бұл топқа шамамен 8,6 миллион адам кіреді.

Әлем

27 желтоқсан 2020 ж. 591 0