Мереке қарсаңында марапат төрінен көрінді

Тәуелсіздік күні мерекесіне орай аудандық «Қармақшы таңы» газетінің қызметкерлері жыл сайын марапат биігінен көрініп келеді. Көңілімізге қуаныш сыйлайтын бұл үрдіс биыл да өз жалғасын тапты.

Мерейлі мереке қарсаңында басылымды жыл он екі ай бойы күннің ыстығы мен суығына, ызғары мен желіне қарамастан оқырманға таратушы мамандар марапатталды. Олардың ішінде Жосалы кентінен Зина Қарабұзауова, Баян Тортуова, Жаңабай Аймұратов, ІІІ Интернационал ауылдық округінен Жұлдыз Жаханова, Ақжар ауылдық округінен Шахарбану Ысқақова, Тұрмағамбет ауылдық округінен Айнұр Сүлейменовалар бар. Таратушыларға «Сыр медиа» ЖШС бас директоры Аманжол Оңғарбаевтың «Алғыс хаты» табысталды.

Еңбегі еленген әріптестерді марапатымен шын жүректен құттықтаймыз!