Батагөй қариялар бақ сынады

ЖОСАЛЫ, 5 қараша - qarmaqshy-tany.kz Бүгін аудандық ардагерлер кеңесінің ұйымдастыруымен аудандық мәдениет үйінде «Батаменен ел көгерер» атты тақырыпта батагөй қариялар арасында бата беруден аудандық байқау өтті. Байқауға ауданға қарасты 2 кент, 12 ауылдық округтен бабалар өсиетін, сөз саптасын, даналық ұғымын ұрпағына үлгі еткен қарияларымыз қатысып, өз шеберліктерін көрсетті.

Сайыс қорытындысымен І орынды Ақай ауылдық округінен Махамбетов Дәріқұл атамыз, ІІ орынды Жосалы кенітнен Малбағаров Әбілқасым атамыз, ІІІ орынды Дауылкөл ауылдық округінен Жәлиева Шаһар әжеміз иеленді.

Іс-шара соңында жүлделі орындардан көрінген қарияларымыз аудандық ардагерлер кеңесінің тарапынан бағалы сыйлықтар және алғыс хаттармен марапатталды.