Төрағалық етуші Д.Кентбаев еңбек даулары сотта қаралатын даулардың ішінде өте өзекті мәселелер қатарына жататынын, себебі, заман талабына сай түсініспеушіліктерде орын алып, еңбек қатынастарына қатысты талаптарда күн сайын өзгеретінін, сондықтан тараптар еріксіз сотқа жүгінуге мәжбүр болатынын, сонымен қатар, қазіргі таңда карантиндік шаралардың азаматтар құқығының бұзылуына жол бермеуі жіті бақылауда екеніндігін, еңбек даулары, тек сот арқылы емес, басқада ұйымдардың қатысуымен, сотқа жеткізбей реттеу мүмкіншіліктері бар екенін, яғни, тек «сотқа жүгініп, сот арқылы ғана шешу» түсінігінен арылу қажет екендігі айтылып, жұмысшыны заңсыз жұмыстан шығару, қысқарту, жалақы және жәрдемақыларды уақтылы төлемеуге байланысты еңбек заңнамаларынан туындайтын дауларға қатысты мәселелер дөңгелек үстел барысында кеңінен талқыланып өтті.

Іс-шара барысында, осы мәселелер бойынша шаралар қабылданып, карантин кезінде дауды болдырмауға, оларды уақытылы, өзара келісімге келе отырып бейбіт жолмен шешуге бағытталған сұрақтар пысықталды.

Жиынды қорытындылай келе, еңбек дауларының алдын-алу және оларды сотқа дейінгі реттеу алгоритімін жұмыс барысында басшылыққа алып, татуластыру рәсімдерін кеңінен қолдануды насихаттау жұмыстарын жалғастыру туралы тұжырымға келді.