Дау тараптардың татуласу келісімімен шешілді
ЖОСАЛЫ, 22 мамыр – qarmaqshy-tany.kz Аудандық сотта талап қоюшы «Ауыл шаруашылығын қаржылай қолдау қоры» АҚ-ның жауапкері Ж-дан несие берешегін кепіл мүлкінен өндіру туралы талап арызы бойынша азаматтық ісі қаралды, деп жазады аудандық соттың баспасөз қызметі.
Іс құжаттарына сәйкес, жауапкер «Ауыл шаруашылығын қаржылай қолдау қоры» акционерлік қоғамынан төлем және қайтарым шартына сәйкес несие алып, оны қайтару жөніндегі борышын орындамаған. Осыған орай, талапкер қарызды кепілде тұрған мүлік арқылы өндіріп алуды қолдану туралы талаппен сотқа жүгінген.
Істі сот талқылауына қарау барысында, сотпен тараптарға дауды татуластыру рәсімдері арқылы шешу құқықтары және оның құқықтық салдары түсіндірілген.
Осыдан кейін тараптар сотқа өзара жасасқан татуласу келісімін бекіту үшін ұсынып, іс жүргізуді тоқтатуды сұрады. Татуласу келісімінің шарттары бойынша, жауапкер берешек несие қарызын өзара келісілген уақытта төлеуге міндеттенді.
Сот ұйғарымымен татуласу келісімі бекітіліп, іс жүргізу өндірістен тоқтатылды.
