Материалдық шығынды өндіру ісі медиациямен тоқтатылды

ЖОСАЛЫ, 21 қараша - qarmaqshy-tany.kz Қармақшы аудандық сотында талап қоюшы И.-ның жауапкер А.-дан материалдық шығын өтеу туралы талап арызы бойынша азаматтық іс қаралды.

Сот анықтағандай, азаматша А. азаматша И-дан ұялы телефондарды қарызға алып, уақытында қайтармай жәбірленушіге 80 000 теңге мөлшерде материалдық шығын келтірді.

Тараптарға дауларды (жанжалды) медиация тәртібімен реттеу туралы келісіммен шешу құқықтары түсіндірілген.

Сот отырысында тараптар сотқа кәсіпқой емес медиатордың араласуымен өзара жасасқан татуласу келісімін бекіту үшін ұсынып, іс жүргізуді тоқтатуды сұраған.

Сот ұйғарымымен дауды медиация тәртібімен реттеу туралы келісім бекітіліп, іс бойынша іс жүргізу өндірістен тоқтатылды.

Ұйғарым заңды күшіне енген жоқ.