Мектеп түлектері қайырымдылық жасады
ЖОСАЛЫ, 7 мамыр– qarmaqshy-tany.kz «Қайырымдылық жасасаң, қайырын өзің көрерсің», — дейді дана халқымыз. Қамшының сабындай қысқа өмірде шама-шарқың келгенше аялы алақан мен жан жылуын аңсайтын жандарға қол ұшын бергенге не жетсін!
Ахметжан Жанпейісов атындағы №105 мектеп-лицейі ұжымы Қасиетті Рамазан айында елімізде орын алған төтенше жағдайға байланысты жағдайы төмен мектепішілік бақылауда тұрған жанұяларға ең қажетті деген азық-түліктерді жеткізіп берді.
Сонымен қатар мектебіміздің 2011 жылғы түлектері 5 отбасыға және 2016 жылғы түлектері 2 отбасыға азық-түлікпен қамтамасыз етті.
Қайырымдылық - халқымыздың ең ізгі қасиеттерінің бірі. Сондықтан да балалардың жанашыр қамқоршысы болу, аялы алақвнын тосып, жүрек жылуын ұсыну, сауабы мол игі іске атсалысу әрбір адамның азаматтық борышы.
