1975 жылғылар қайырымдылық жасады
Қуаңдария ауылдық округінің 1975 жылы туылған азаматтары "BizBirgemiz" акциясы аясында қайырымдылық шарасын өткізді. Олар ауылдағы 7 отбасыға азық-түлік табыстап, қиын уақытта қол ұшын созды.
Игілігі мен сауабы мол іске бет бұрған жандарға ауылдың ақсақалдар кеңесінің төрағасы Ешмағанбет Дүйсебаев батасын беріп, шараның басы-қасынан табылды. Акцияға қажетті азық-түлік өнімдері кент орталығында жақында ашылған "Әлеуметтік дүкенінен" сатып алынды.
Еске сала кетейік, аудан орталығы Жосалы кентінде "Алтын қамба" агроөнеркәсіп комбинаты" ЖШС көмегімен "Әлеуметтік дүкен" ашылып, тұрғындарға арзан бағада өнім сатуда.
"Қт" ақпарат
