2019 ЖЫЛЫ ҚЫЗЫЛОРДАДА 22 ОТБАСЫ БАСПАНАЛЫ БОЛДЫ
Қазақстан мұсылмандары діни басқармасының төрағасы, Бас мүфти Серікбай қажы Ораз Хазреттің бастамасымен "қайырымдылық" бағыты бойынша ҚМДБ-ның Қызылорда облысы бойыша өкілдігі бірқатар игі шаралардың жүзеге асуына себепші болды.
2019 жылы атқарылған ауқымды жобалардың сандық көрсеткіштермен берілген есебі төмендегідей:Бас мүфтидің тапсырмасына сәйкес, биылғы жылдың күзінде «Ақмешіт-Сырдария» қайырымдылық мекемесі ашылған болатын. 45 адамға шақталған мекеме 2 қабаттан тұрады, 15 жатын бөлмесі, 2 сынып, асханамен қамтамасыз етілген. Жатын орны мен 3 мезгіл тамағы тегін.
Облыстық «Ақмешіт-Сырдария» орталық мешітінде 20 тігін машинасымен жабдықталған «Шебер әйел» қолөнер орталығы ашылып, жұмыссыз қыз-келіншектер тегін тігін курсын оқуда.
«Мектепке жол» қайырымдылық акциясы аясында Сыр мешіттері 1502 баланы оқу құралдары салынған мектеп сөмкесімен және 23 баланы мектеп формасымен жабдықтады.
Қайырымдылық бағытында 4373 отбасыға азық-түліктей, 1014 отбасыға қаржылай көмек көрсетілсе, 40 000 астам кісіге ауызашар беріліп, 25 тонна құрбан еті үлестірілді.
Сонымен қатар, «Сыр елі Арыспен бірге» қайырымдлық акциясы аясында мешіт жамағаттары атынан 1 900 000 тг қаржылай көмек көрсетіліп, 1 камаз және 6 газель азық-түлік пен қажетті тұрмыстық заттар жіберілді.
ҚМДБ «Зекет қоры» қайырымдылық қорының Қызылордадағы өкілдігінің мұрындық болымен:
- 2019 жылы 1014 отбасыға қаржылай көмек берілсе, 790 отбасыға киім-кешек үлестіріліп, 171 балаға түрлі көмек көрсетілді.
- «Ел үлесі пәтерге» жобасы аясында 22 отбасы баспаналы болды.
