Қызылордада көпбалалы аналарға көмек көрсетілді

ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ұйымдастыруымен көпбалалы аналарға қайырымдылық көмек көрсетілді, деп хабарлайды Kyzylorda-news.kz ақпараттық агенттігі.

ҚМДБ-ның аймақтағы өкілдігінің баспасөз қызметінің мәліметінше, өкіл имам Болатбек Ұласқанұлы сынақ үшін берілген қысқа ғұмырда мұқтаж жандарға көмек көрсетіп демеу болу мешіт қызметкерлерінің басты мақсаттарының бірі екенін атап өтті. Сонымен қатар сабырлық турасында насихат айтып, жоқтыққа қарамай баласына барын беріп жүрген батыр аналарға алғыс білдірді. Сөз соңында әлеуметтік жағдайы аз қамтылған 20 отбасыға бір айлық азық-түлікті үлестірді.