Мемлекет басшысы Қасым-Жомарт Тоқаевтың шешімімен карантин мерзімі осы жылдың 11 мамырына дейін ұзартылды. Расымен бұл шешім орынды және маңызды. Президент айтқандай, біздің елімізде індет әлі шарықтау шегіне жеткен жоқ. Осы орайда мемлекет тарапынан қиын кезде халыққа барынша қолдау көрсетілуде. Карантин басталғалы көптеген өнеркәсіп орындарының жұмысы тоқтап тұрғаны жасырын емес. Олардың бұл кезде өз кәсібін ашу мақсатында алған несиелерін төлеуге мүмкіндігі жоқ. Сол себептен елімізде 1,6 миллионнан астам адам мен 11,5 мың шағын және орта бизнес өкілі несиесін кейін төлеуге мүмкіндік алды. Бұл жаңалық кәсіпкерлердің ойына дөп түскені анық. Карантин уақыты бітіп, індетті жеңген уақытта олар өз ісін жандандырып, ел экономикасына елеулі үлесін қосатын болады.