Уақытша тоқтатылған несие кәсіпкерге зор көмек
Қызылорда өңірінде 95 мыңнан астам азамат шағын және орта бизнеспен айналысады. Ал карантин кезінде олардың көбісінің жұмысы тоқтады. Осы орайда несиелерді тоқтату мақсатында 1600-ден астам ШОБ құрылымы өтініш берген. Өңір басшысы Гүлшара Әбдіқалықованың мәлімдеуінше, олардың 90 проценті мақұлданып, несие төлеу мерзімі кейінге шегерілген. Бұл мақұлданған өтініштер қатарында қармақшылық кәсіп иелері де бар. Осындай қиын кезде мемлекет тарапынан жеңілдікке ие болғандар карантин режимі біткен соң өз жұмысы мен несие төлеуді жалғастыратын болады. Сондай-ақ еліміздегі шағын және орта бизнес субъектілері 1 сәуірден 1 қазанға дейін салық және басқа да төлемдерден босатылды. Міне, жауапты кезеңде мемлекет тарапынан кәсіпкерлерге осындай айтулы көмектер көрсетілуде.Күлжауһар Раева,
аудандық әйелдер кеңесінің төрайымы
