Елбасы Жолдауындағы міндеттер талқыланды
Елбасының Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы ел дамуының нақты қадамын айқындап, атқаруға тиіс он міндетті жүктеп отыр. Биылғы Жолдаудың ерекшелігі технологияның қарыштап дамыған кезеңінде уақыт көшіне ілесіп, дамудың даңғыл жолына түсу. Бұл ретте музей қызметкерлері Жолдауда айтылған маңызды міндеттерді қолдайды. Осыған орай Ақмешіт филиал музейінде «Елбасы Жолдауы – болашақтың бастауы» атты дөңгелек үстел ұйымдастырылды.
Шараға облыстық музей директорының орынбасары Жанар Дәуренқызы, облыстық Жас Отан Жастар қанаты төрағасының орынбасары Қараманова Әсем, көркемсурет галереясының меңгерушісі Гүлнәр Тәжікқызы, тарихшы Димаш Абатұлы қатысты.
Жиын барысында ұйымдастырылған көрмеге Елбасы Нұрсұлтан Назарбаевтың «Мәңгілік ел, Ғасырға бергісіз жылдар», «Мәңгілік ел Қазақстан» атты кітаптары, «Ақиқат» журналдары, буклеттер, Жолдаулар т.б құжаттар қойылды.
