Ауылдық кітапханада Мемлекет басшысының "Төртінші өнеркəсіптік революция жағдайындағы дамудың жаңа мүмкіндіктері" атты Жолдауын талқылау бойынша дөңгелек үстел өтті. Дөңгелек үстелге ауылдық округі əкімінің қызметкерлері жəне мəдениет қызметкерлері қатысты. Дөңгелек үстелдің мақсаты: Жолдауда айтылған алға қойылған он міндеттің тарихи маңызы мен мəнін тереңдетіп түсіндіру болып табылды. Алғашқы сөзді алған ауыл əкімі А.Омаров Елбасы Жолдауында айтылған міндеттердің маңыздылығын атап, оның ел игілігіне тигізер пайдасы мол екенін айтып өтсе,ауыл əкімшілігінің жетекші маманы Г.Тоқтарбекова Жолдауда көрсетілген 10 бағыт туралы жəне өзекті мəселелердің барлығы жаңа заманға лайықты даму бағытында оң өзгерістер мен дамуға бастайтын маңызды бағыттар екенін айтып ой-пікірін білдірді. Сонымен қатар кітапханашы Р.Тұрманова Жолдауға арналған кітап көрмесімен таныстырып "Елбасы Жолдауы - жаңа тарихи дəуірдің бастауы" атты тақырыбында хабарлама жасады.