Ауған соғысының ардагерлерімен кездесті
ЖОСАЛЫ, 15 ақпан – qarmaqshy-tany.kz Дүр Оңғар ауылындағы "Қармақшы аудандық білім бөлімінің 107 орта мектебі" коммуналдық мемлекеттік мекемесінде 2020 жылғы 14 ақпан күні жас ұрпаққа патриоттық тәрбие беру бағытында мектеп директорының тәрбие ісі жөніндегі орынбасары Л.Ешниязова, АӘД пәні мұғалімі А.Қиясов және 10 сынып жетекшісі А.Машарапованың ұйымдастыруымен Кеңес әскерінің Ауғанстан жерінен шығарылғанына 31 жыл толуына орай ауған соғысының ардагерлері Ә.Арыстанбеков, С.Сабырбаев, Қ.Құлмахановтардың қатысуымен "Ауған асуында от кешкендер" тақырыбында кездесу кеші болып өтті.
Мақсаты: ауған соғысының бүгінгі саяси салдарының тарихына шолу жасау, ерлік істерін насихаттау. Оқушыларды Отанын, елін, жерін сүюге және халқына қызмет етуге тәрбиелеу. Іс-шарада мектеп директоры М.Жұматаев ауған соғысының ардагерлеріне Отан алдындағы өнегелі еңбектеріне Алғыс білдіріп, шара барысын қорытындылады.
