Кездесуде өткен жылы аудан орталығы мен оған қарасты елді мекендерде атқарылған жұмыстың жай-жапсары айтылып, алдағы атқаратын жұмыстар талқыланды.

Жаңажол ауылында 2066 адам тұрады. Ауыл тұрғындарының басым бөлігі «Жаңажол» ЖШС-гінде жұмыс жасайды.

Серіктестік дихандары 2019 жылы 3050 га жерге күріш егісінің әр гектарынан 69,4 цн. Орта есеппен 21,2 мың тонна өнім алынды.

Кәсіпкерлік саласы бойынша 8 азамат 22 млн 300 мың теңге көлемінде және «Жаңа бизнес идеяларды іске асыруға» арналған мемлекеттік грантқа 9 азамат 505 мың теңгеден 4 млн 200 мың тенге қаржы алып кәсіптерін жасауда.

Мәдениет спорт салалары бойынша Жаңажол ауылы аудандық деңгейде өткізілген «Аймақтар аламаны» өнер фестивалінде бас жүлдені, «Алтын күз – 2019» ауыл спортшылары спартакиадасында 1 - орынды жеңіп алды.

Сонымен бірге республикадағы жазушылар мен шығармашыл тұлғалардың басын қосқан облыстық «Парасатты поэзия» кеші ұйымдастырылып өтті.

Өткен жылы өткізілген есеп беру кезінде тұрғындар тарапынан айтылған ұсыныстарға сәйкес Е.Жаманқұлов көшесінің екіден бір бөлігіне жергілікті бюджеттен 9237,3 қаржы бөлініп жөндеу жұмыстары жүргізілді.