Жәрмеңкеде 103 тонна өнім сатылды
Қазіргі таңда аудан бойынша күзгі егін жинау жұмыстары толығымен аяқталды. 14633 гектар күріш дақылы толықтай жиналып алынды. Күріштің әр гектарынан 62,7 центнер өнім жиналып, қамбаға барлығы 91,7 мың тонна астық құйылды. Үстіміздегі жылы егіс көлемін әртараптандыру бағытында 40га жерге соя дақылы егіліді. (Тұрмағамбет, Жаңажол) Алынған өнімі жоғары деңгейде болып, әр гектарынан 22,5 центнерден өнім жиналды. Сонымен бірге 155 га арпа, 595 га бидай, 347 га мақсары және 1187 га картоп, көкөніс және бақша дақылдары толықтай жинап алынды.«Алтын дән-2019» облыстық жәрмеңкесіне аудан шаруашылықтары 46 көлікпен барлығы 103 тонна ауылшаруашылық өнімдерін жеткізді. Өнімдер базар бағасынан 15-20% төмен бағамен сатылды.
