КОЛЛЕДЖ ДИРЕКТОРЛАРЫ АТТЕСТАЦИЯДАН ӨТЕДІ
Қызылорда облысы әкімінің орынбасары Наурызбай Байқадамовтың төрағалығымен техникалық және кәсіптік білім беру саласына арналған кеңейтілген жиын өтті.
Басқосуға аймақтағы колледж директорлары шақырылып, әрбір білім беру ұйымының стратегиялық жоспарлары талқыланып, мемлекеттік бағдарламалардың орындалу барысы талданды.
Кездесуде Қызылорда облысының білім саласын бақылау департаментінің басшысы Ғалия Даулетова колледждергі жаңа мамандықтарға лицензия алу мәселесін қозғап, тың талаптардың енгенін атап өтті.Енді колледж директорлары министрлік талабына сай аттестациядан өтеді. Яғни басқару жүйесін жетілдіру, білім сапасын көтеру, маман даярлау мәселесінде директорлардың менеджментік қасиеті бағаланады.
Облыс әкімінің орынбасары Наурызбай Сейітқалиұлы жиында колледжде білім алатын балалардың мамандығына сай өмірлік дағдылары қалыптасуы керектігін атап өтті.
Жиын соңында колледж басшыларына білім басқармасы тарапынан бірқатар нақты тапсырмалар мен міндеттер жүктелді.
