Мектепте дөңгелек үстел өтті
ЖОСАЛЫ, 24 қаңтар – qarmaqshy-tany.kz А.Жанпейісов атындағы 105 мектеп-лицейінде оқушылардың құқықтары мен міндеттері туралы білімдерін толықтыру, қылмыс туралы ой қозғау, білу, түсінуге тәрбиелеу мақсатында мектептегі 'Жас заңгер" үйірмесінің жетекшісі Г.Қалжанқызының ұйымдастыруымен 9-сыныптарда "Қылмыс пен жаза" тақырыбында дөңгелек үстел өтілді.
Іс-шараға аудандық ішкі істер бөлімінің қызметкерлері - полиция капитаны Мұхамедияров Ғалымжан мен полиция аға сержанты Аликулов Жасұлан катысты. Іс-шара барысында облыс бойынша қылмыстың алдын алуда жасалып жатқан жұмыстар, кәмелет жасқа толмағандар арасындағы қылмыстар, оған тағайындалатын жаза түрлері жайлы бейнебаяндар көрсетіліп, талданды. Құқық қорғау қызметкерлеріне сұрақтар қойылып, оқушыларға құқықтық білім берілді.
