Бүгін облыс әкімі Қ.Ысқақовтың Қармақшы ауданына жұмыс сапары басталды. Аймақ басшысы аудан орталығынан 150 шақырым қашықтықта орналасқан Көмекбаев ауылдық округінде болды. Жиында тұрғындар өздерінің ұсыныс-пікірін айтып, 1964 жылы қаланған ауылдық клубты қайта салуды сұрады. Өңір басшысы облыстық мәслихат хатшысы Қ.Бисеновке аталған мәселелер бойынша депутаттармен келісе отырып, мемлекеттік-жекеменшік әріптестік аясында инвесторлар қарастыруды ұсынды.

Бүгінде ауылда 1386 адам тұрады. Кездесуде өңір басшысы жұмыссыздықты жою, кәсіпкерлікті дамыту туралы да айтты. Еске сала кетейік, өткен жылы Көмекбаев ауылында 4 адам мемлекеттен қайтарымсыз грант алса, 3 адам жеңілдетілген несиеге ие болды. Қазіргі таңда өз кәсіптерін бастап, еңбектерінің жемісін көріп отыр.