ТҮЛЕКТЕРМЕН КЕЗДЕСУ

ЖОСАЛЫ, 13 қаңтар – qarmaqshy-tany.kz С. Аманжолов атындағы Шығыс Қазақстан мемлекеттік университетінде білім алып жатқан «Биология» мамандығының 2 курс студенті, мектебіміздің 2017-2018 жылғы оқу жылының түлегі САҒИДУЛЛА АҚМАРАЛ ЖАНДІЛДАҚЫЗЫ биылғы №27 мектептің бітіруші түлектермен кездесуге келіп, өзінің мамандық таңдаудағы дайындықтарынан бөлісе отырып, биылғы оқу жылындағы бітіруші 11-сынып оқушыларына сәттілік тіледі. Белсенді шәкірт ҰБТ -ке дайындықта қандай жұмыстар жүргізгенін, мемлекеттік білім грантын жеңу үшін алға мақсат қойып, тек ұмтылыс жасау, нәтиже беретінін түсіндірді. Болашақ түлектерге емтиханға дайындық жөнінде кеңестер айтып, өз оқу орны жайлы баяндады. Мамандық таңдауда жауапкершіліктің жоғары екендігін айтып, емтихандарға қазірден дайындала берудің маңыздылығына тоқталып өтті.