Аудандық кәсіподақ ұйымы әруақытта ұстаздармен тығыз қарым-қатынаста жұмыс істеп келеді. Соның бір дәлелі –  жаңа жылдың алғашқы айында яғни, қаңтарда Бурабайда орналасқан «Жұмбақтас» пенсионатына барып, демалуға  ауданымыздан 12 ұстаз жолдама алды.

Олар 5 күн сұлу Көкшенің табиғатына сүйсініп, әсем жерлерді аралап, ұстаздарға арнайы ұйымдастырған шараларға қатысып, ерекше шаттыққа бөленді. – Бурабайдың ауа-райы мен көрсе көз тоятын  тау-тасынан алған әсерді тілмен айтып жеткізу мүмкін емес дейді, – олар.

Ұстаз еңбегін ескеріп, оларға есте қаларлықтай демалыс саяхаттары мен түрлі іс-шаралар ұйымдастырып отыратын «Қазақстан салалық білім және ғылым қызметкерлері кәсіптік одағының Қызылорда облыстық ұйымы» қоғамдық бірлестігінің төрайымы Райкүл Байназарова мен аудандық білім және ғылым қызметкерлері кәсіподағының төрайымы Жұлдызай Молдабаеваға ұстаздар дән риза.